संघर्षको दस्तावेज र परिवर्तनको गीत ‘आमा, सपना र ताराहरू’
मैले यस पुस्तकमा महसुस गरेको सबैभन्दा विशेष पक्ष के हो भने— पाठकले पुस्तक पढ्दैन, कुनै कुनै पुस्तकले पाठकलाई बाँधेर राख्ने गर्छ। हरेक पात्र, दृश्य र अनुभूतिले पाठकको मानसपटलमा गहिरो चित्र रेखाङ्कन गर्दछ ।
पढ्दै जाँदा लाग्छ, म स्वयं लेखकसँगै माम्खाको जुकेपानी, देउराली र रुम्जाटारको फाँट डुलिरहेको छु, जनकपुर र कीर्तिपुरका कक्षा कोठाहरूमा छु, वा रगत नै उमाल्ने त्यो प्रगतिशील आन्दोलनमा उत्रिरहेको छु ।